Даймохк ларбархочунна лерина мероприяти д1аяьхьира 22-чу февралехь Энгель-Юьртара №1 йолчу юккъерчу школехь. Росси- пачхьалкхехь дехаш долчу нохчийн къоман векалш даимна а, махкана т1е бохам беъча, мостаг1 т1ег1оьртича, дуккха а долчу кхечу къаьмнийн мог1арехь, шайн синош ца кхоош, Даймохк ларбечеран хьалхарчу мог1арехь хилла. Уьш а, и санна болу майра к1ентий хьакъ бу билгалбаха. 

Шайн къамелехь дешархоша билгалбехира Даймокх ларбаран г1уллакхехь хьуьнаршца г1арабевлла турпалхой а. Хьехархо-организатор йолчу Гераева Малхиш Гайрсолтановнас шайн пох1маллица къаьсташ болчу дешархошца кечдинера тайп-тайпана эшарийн совг1аташ а, байташ а. Дай-наноша а кечдинера берашна экархойн тайп-тайпана духарш а. Вовшахкхетар д1ахьуш яра 7 –чу а классера дешархо Касумова Аминат а, 6-чу б классера дешархо Болтмурзаева Шовда а. Шаьш кегий белахь а, иштта цхьаьнакхетарш д1адахьаран болх дуьххьара беш бацара цара. Дукхазза а ишколехь а, к1оштахь а, Республикехь а хуьлучу мероприятешкахь жигара дакъалоцуш болчу дешархойх яра эшарш локхуш йолу 10 б классан дешархо Мадашева Линда. 5- г1а а классан дешархочун Гайтемирова Маккин пох1ма х1инцца- х1инцца бен билгалдаьлла дацахь а, шен говзаллица а, исбаьхьчу озаца а ладог1архойн лерси хьостуш, т1е1аткъам беш ч1ог1а дезаш т1елоцуш ду. Иштта «Цавевзачу салтичун каш» йиш д1аолуш, б1аьргех хи ца долуш ца висира зала чохь цхьа а. 4-г1а б классера дешархочо Умалатов Амирхана хьалхара г1улчаш яра сцени т1ехь йохурш, амма х1умма а б1окъажор воцуш вара иза сцени т1ехь. Иштта юьхьанцарчу класашкара дуккха а дешархой бара йир аларехь дакъалоцуш. Дешарна т1ехь ду и бераш хаза кхиамаш бохуш схьадог1уш. Х1окху тайпа мероприятеш вовшахтохаро таро ло дешархой патриотически дог-ойланца кхио а, шайн историн аг1онаш йовза а, хьакъболчу турпалхойн сий-ларам бан а, уьш бовза а.Дахар къагориг адамийн догдикалла, хаза дош ду - Даймохк ларбархочун денца т1екхуьу божарийн чкъор даггара декъалдарца дерзийра дешархоша цхьаьнакхетар. Даимна маьрша хуьлийла Даймехкан стигал, цкъа къаьхьа-къемат ма хуттийла цхьанне а!